Cenazeyê şervanên Hêzên Sûriya Demokratîk (QSD) Mehmûd Mûsa El Hemade û Mihemed Cemîl El Cimêde yên di 19’ê Nîsanê de şehîd bibûn, li Goristana Şehîd Xidir El Hemade ya li bajarokê Ebû Xeşeb hatin veşartin. Di merasîma veşartinê de wêneyên şehîdan û alên QSD’ê hatin hildan.

Di merasîmê de yek ji fermandarên Meclîsa Leşkerî ya Dêrazorê Demhat El Kilêzî axivî û wiha got: "Me îro du leheng oxir kirin. Em sersaxiya malbatên şehîdan dixwazin û soz didin şehîdên xwe ku em ê tola wan hildin û li ser şopa wan bimeşin."

Dûre li ser navê meclîsên bajarokê Ebû Xeşeb endamê rêveber Ebdulhekîm El Elî axivî û wiha got: "Em îro li pêşberî xwîna paqij a van şehîdan disekinin û bejna xwe li hember wan ditewînin. Wan şehîdan di oxira welat bi azad û rûmet bijî de canê xwe da. Em ê heta pêkanîna serkeftinê rêça we bişopînin."

Li aliyekî din jî endamê rêveber ê Meclîsa Malbatên Şehîdan a Dêrazorê Ebdulxenî El Ehmed sersaxiya malbatên şehîdan xwest û got: "Ev her du şehîd bûn, da ku em bi azad û aram bijîn."

Piştre wesîqeya her du şehîdan hate xwendin û radestî malbatên wan hatin kirin.