Girseya gel dirûşmeyên ʺŞehîd namirinʺ berz kirin û alên TEV-DEMʹê, Hêzên Ewlehiya Hundirîn û Saziya Malbatên Şehîdan rakirin.

Nûnerên Meclîsa Kantona Girê Spî, Rêveberiya Xweseriya Demokratîk û Hêzên Ewlehiya Hundirîn a Kantona Girê Spî û bajarê Reqayê tevlî merasîmê bûn.

Li goristanê ji bo bîranîna şehîdên azadiyê deqîqeyek rêz hate girtin û merasîmeke leşkerî hate lidarxistin. Piştre li ser navê Saziya Malbatên Şehîdan Wehîd Ebdullah, li ser navê Kongreya Star Mihabad Derwêş, Hevseroka Rêveberiya Xweseriya Demokratîk a Girê Spî Hemdan El-Ebid û li ser avê Hêzên Ewlehiya Hundirîn a bajarê Reqayê Hecî Îbrahîm axivîn.

Axaftvanan sersaxî ji malbata şehîd û Hêzên Ewlehiya Hundirîn re xwestin û bal kişandin ser rola şehîd ya di parastina ewlehiya herêmê de.

Di dawiyê de nasnameya şehîd hat xwendin, radestî malbata wî hat kirin û cenazeyê wî di nava tîlîliyên dayîkan û dirûşmeyên ʺŞehîd namirinʺ de hat veşartin.