Karwanê şehîd ji ber çerxeriya Elem ber bi Goristana Mehmûd Tamê ya gundê Tenhûza ve, ketê re. Hevseroka Rêveberiya Xweseriya Demokratîk Zelîxa Ebdî, Rêveberê Meclîsa Tevgera Civaka Demokratîk (TEV-DEM) Selahdîn Firat, nûnerên saziyên Rêveberiya Xweser, şervanên YPJ/YPG û bi dehan şêniyên bajarê Girê Spî, tevlî merasîmê bûn.

Li goristanê, şervanên Erka Xweparastinê merasîmek pêk anîn û piştre bi navê Meclîsa Malbatên Şehîdan Wehîd Abdullah, bi navê Kongreya Star Fadiya Hesen, bi navê TEV-DEM`ê Selahedîn Firat û bi navê YPG`ê Fermandar Siyabend Girê Spî, axaftin hatin kirin.

Qisekeran sersaxî ji malbata şehîd Hecî û hemû şehîdan re xwestin û berxwedana şervanan di Pêngava Bagera Cizîrê û Pêngava Rizgarkirina Reqayê hate bibîrxistin.

Piştî axaftinan, wesîqeteya şehadetê hate xwendin û radestî malbatê hate kirin.

Di dawiya merasîmê de girseya gel û şervanan cenazeyê şehîd rakirin ser milan û rex hevreyên wî defin kir.

Hecî Ehmed (Mezlûm Doxan) dema bi erkê xwe radibû, li Girê Spî şehîd bû.