Bi sedan şêniyên herêma Efrînê ji bo pêşwazîkirina cenazeyê endama Yekitiya Jinên Ciwan Nûjiyan Ocalan a ku di bombebarana dewleta Tirk a li ser Kobanê de şehîd bûbû, li deriyê ketina navçeya Ehdasê ya kantona Şehbayê kom bûn. Di pêşwazîkirinê de bi tilîlî û dirûşmeyên dilsoziya bi şehîdan, silavkirina berxwedana ciwanan û şeremzarkirina êrîşên dewleta Tirk a dagirker pêşwaziya cenaze kirin.

Paşê cenaze bi kerwanekî ji sedan erebeyan ber bi nexweşxaneya Avrîn a navçeya Fafînê ve birin.

Cenaze dê sibe saet 12:00'an bi merasîmekê li goristana Şehîdên Berxwedana Serdemê ya navçeya Ehdasê were veşartin.

25'ê Kanûnê balafireke bêmirov a biçek a dewleta Tirk a dagirker li taxa Şehîd Peyman a rojhilatê bajarê Kobanê malek bombebebaran kir, di encamê de 5 endamên Tevgera Ciwanên Şoreşger û Yekitiya Jinên Ciwan şehîd bû û 4 birîndar bûn.