Bi sedan şêniyên bajarê Hesekê cenazeyê endamê Hêzên Ewlekariya Hundirîn Mehmûd Hesen Hemade li Goristana Şehîd Dijwar a li gundê Dawiyê veşart. Mehmûd Hemade dema erka xwe bi cih dianî şehîd bû.

Di merasîm de wêneyên şehîd hatin hildan û dirûşmê "Şehîd namirin" hatin berzkirin.

Endama Meclisa Malbatên Şehîdan Ezîza Hisên axivî û tevahî şehîdên azadiyê bi bîr anîn. Her wiha soza şopandina xeta şehîdan da.

Ji rêveberên Hêzên Ewlekariya Hundirîn li bajarê Hesekê Şiyar Hesekê sersaxî da malbata şehîd Mehmûd û got: "Dijmin dixwazin planên qirêj li Rojava pêk bînin û îradeya gelan bişkîne."

Şiyar Hesekê soza şopandina xeta şehîdan ta pêkanîna serketinê da.

Piştre endama Meclisa Malbatên Şehîdan Rojda Ehmed wesîqeya şehadetê ya şehîd xwend û radestî malbata wî kir.

Cenazeyê şehîd Mehmûd Hemade bi dirûşmên dilsoziya bi şehîdan re hat veşartin.