Welatiyên navçeya Til Hemîsê, Endamên Saziyên Civaka Sivîl, şervanên YPG/YPJ'ê û Hêzên Erka Xweparastinê cenazeyê şervanê Hêzên Xweparastinê Hemed Mixlif ku 7'ê Îlonê di Pêngava Rizgarkirina Reqayê de şehîd bû wergirtin û birin goristana Şehîd Raxib Etiye.

Merasîma li goristanê bi deqeyeke rêzgirtinê dest pê kir. Piştre Fermandarê Hêzên Xweparastinê Ebdulwahid Gewriye axivî û da zanîn ku bi saya hevgirtina gelên herêmê û fedakariya şehîdan, şervanên YPG/YPJ'ê serketinên mezin bi dest dikevin.

Bi navê Meclîsa Malbatên Şehîdan Mihemed Zekî jî axivî, sersaxî ji malbata şehîd re xwest û bal kişand ser serketinên ku li Bakurê Sûriyê hatine bidestxistin. Zekî soz da ku wê li ser şopa şehîdan bin.

Her wiha bi navê TEV-DEM′ê Salih Xelef axivî, sersaxî ji malbata şehîd re xwest û soz da ku wê têkoşînê bidomîn.

Di dawiyê de nasnameya têkoşer hat xwendin, radestî malbata wî hat kirin û cenazeyê wî di nava tîlîliyên dayikan de hate veşartin.