Cenazeyê Fermandarê QSD’ê Şiblî Şiblî yê 27′ê Cotmehê di encama bombebaran dewleta Tirk a dagirker li dijî mala wî ya li Dêrikê de şehîd bibû, li Goristana Şehîd Xebat Dêrik bi tevlêbûna hezaran kesî hat veşartin.
Cenazeyê Fermandarê QSD’ê Şiblî Şiblî yê 27′ê Cotmehê di encama bombebaran dewleta Tirk a dagirker li dijî mala wî ya li Dêrikê de şehîd bibû, li Goristana Şehîd Xebat Dêrik bi tevlêbûna hezaran kesî bi merasîmêkê hat veşartin. Bi hezaran xelkê Bakur û Rojhilatê Sûriyeyê, nûnerên Rêveberiya Xweser a Bakur û Rojhilatê Sûriyeyê û Herêma Cizîrê, partiyên siyasî, QSD′ê û meclîsên di bin bana wê de, rûspiyn eşîrên Kurd, Ereb û Suryan, dayikên şehîdan, tevger û rêxistinên jin û ciwanan tevlî merasimê bûn.
Bi hezaran kes li ber nexweşxaneya Dêrikê kom bûn û cenazeyê Şiblî wergirtin û ber bi Goristana Şehîd Xebat Dêrik dest bi meşê kirin. Girseya gel li kolanên sereke yên Dêrikê geriyan û wêneyên şehîdên malbata Şiblî, wêneyên Ferhad Dêrik (Hisên Şiblî) jî hatin hildan
Li goristanê, beşdaran dirûşmeyên silavkirina berxwedana şehîdan bilind kirin.
Di merasîmê de endama rêveberiya Meclîsa Jin a Malbatên Şehîdan a Bakur û Rojhilatê Sûriyeyê Cewahir Îbrahîm axivî û got: "Malbeta Şehîd Şiblî modela malbatên welatparêz e ku sozên xwe yên pêkanîna armancên şehîdan nû kirin."
Cewahir Îbrahîm bal kişand ser siyasetên qirkirinê ku dewleta Tirk a dagirker li dijî gelê herêmê pêk tîne û ev tişt got: “Hevgirtina me ji dijmin û dagirkeran re peyamek e ku em bi rêya şehîdan ve girêdayî ne."
Li aliyekî din jî endamê Kongreya Îslama Demokratîk a Bakur û Rojhilatê Sûriyeyê Mahsûm Dêrşewî jî wiha got: "Erdogan bi navê ola îslamê bang dike, lê durûtiyê dike, li dijî gel û zarokên me komkujiyan pêk tîne. Bila tevahî cîhan bizane em xwediyên mafê ne û em ê rêça şehîdan xwe dewam bikin."
Yek ji fermandarên QSD′ê Xêredîn Xêrkî jî got Şehîd Şiblî beşdarî gelek hemleyên li dijî çeteyên DAÎŞ′ê û artêşa Tirk a dagirker û çeteyên wê bûye, ligel ku gelek caran birîndar bûye, lê bi xurtî têkoşiya û li ber xwe da.
Xêrkî got ku ew ê heta pêkanîna armancên şehîdan têkoşînê geş bikin û tola wan hilînin.
Dayika Şehîd Şiblî, Xana Sedon tevahî beşdar silav kir û got: "Em heta dawiyê bi parastina destkeftiyên Şoreşa Bakur û Rojhilatê Sûriyeyê dilsozin. Berdêl çi dibe bila bibe em ê li dora têkoşîn û berxwedana şehîdan li hev bicivin.”
Di dawiyê de wesîqeya şehîd hate xwendin û radestî malbatê hate kirin.
Cenazeyê Fermandarê QSD’ê Şiblî Şiblî bi dirûşmeyên “Şehîd namirin” hat verşartin.
