Bi sedan welatiyên bajarê Minbicê cenazeyê şervanê Meclîsa Leşkerî ya Minbicê Fadî Mirî ji Nexweşxaneya Firatê ya bajêr wergirtin û bi karwanekî wesayîtan ber bi goristana şehîdan a dikeve başûrê bajêr ve ketin rê.

Li goristanê ji aliyê şervanan ve merasîmeke leşkerî hate lidarxistin. Piştre li ser navê Saziya Malbatên Şehîdan Serhildan Ehmed sersaxî ji malbatê re xwest û wiha got; "Pêwîst e gelê herêmê li hember êrîşan û destwerdanên derve li ber xwe bidin û destûr nedin ku Erdogan û DAIŞ axa wan dagir bikin."

Her wiha Fermandarê Giştî yê Meclîsa Leşkerî ya Minbicê Ednan Ebû Emced axivî, sersaxî ji malbata şehîd re xwest û got ku ew amade ne bersiva êrîşên dijmin bidin û gelê xwe biparêzin. Her wiha Ebû Emced soza şopandina rêya şehîdan nû kir.

Piştre nasnameya şervanê Meclîsa Leşkerî ya Minicê hate xwendin, radestî malbata wî hate kirin û cenazeyê Fadî Mirî li goristanê hate veşartin.