Bi sedan welatiyên herêma Firatê, Hevseroka PYD′ê Eyşe Hiso û Rêveberên partiyê yên Bakurê Sûriyeyê, her wiha nûnerên Meclîsa Malbatên Şehîdan, şervanên YPG/YPJ′ê beşdarî merasîma cenazeyê Endamê Meclîsa Giştî yê PTD’ê Xalid Kûtê bûn.

Girseya gel cenazeyê şehîd ji nexweşxaneya leşkerî ya bajarê Girê Spî wergirtin û ber bi goristanê ve ketin rê. Li goristanêji bo bîranîna şehîdên têkoşîna azadiyê deqîqeyek rêz hate girtin û merasîmeke leşkerî hat lidarxistin. Piştre Hevseroka PYD’ê Eyşe Hiso, Endamê Rêveberiya Meclîsa Malbatên Şehîdan Arif Balî, Fermandarê YPG′ê Elîşêr Kobanê û Hevserokê Rêveberiya Xweser a Kantona Girê Spî Hemdan El-Ebid axivîn.

Axaftvanan sersaxî ji malbata şehîd re xwestin û bal kişandin ser têkoşîna şehîd ya di şoreşa Rojava de. Her wiha soza şopandina rêya cangoriyên azadiyê hate dayîn.

Di dawiyê de nasnameya şehîd hat xwendin, radestî malbata wî hat kirin û cenazeyê wî li goristanê hat veşartin.

Şehîd Xalid Kûtê li Girê Spî di encama teqîna mayînekê de, şehîd bûbû.