Merasîm li bajarokê Til Koçerê yê Qamişloyê bi merasîma leşkerî dest pê kir. Piştre bi navê Hêzên Ewlekariya Hundirîn Nasir El-Celûd axivî û sersaxî ji malbatên şehîd Fehid û tevahî malbatên şehîdên azadiyê re xwest û got: "Em wek Hêzên Ewlekariya Hundirîn a Til Koçerê soz didin hevalê xwe Fehid Mihemed ku tola wî hilînin û em ê armancên şehîdên xwe pêk bînin, ji ber ku wan ji bo azadî, rûmet û piştgiriya gelan têkoşîn kir."

Her wiha li ser navê malbata şehîd, pismamê şehîd Rakan El-Sifok axivî û spasiya hemû kesên ku beşdarî merasîmê bûne, kir û soza berdewamkirina rêya şehîdan da.

Piştî axaftinan wesîqeta şehîd Fehid hate xwendin û radestî malbata wî hate kirin. Di dawiya merasîmê de, şehîd bi dirûşmên dilsoziya bi şehîdan re hate oxirkirin.