Endamê Hêzên Ewlehiya Hundirîn Mamûn El-Hadî bi nasnav Mamûn Cirniyê beriya 2 rojan li rojavayê bajarokê El-Cirmiyê dema ku xwest mayîna çeteyên DAIŞ’ê bê bandor bike şehîd bû.

Şêniyên Tebqayê û bajarokên El-Cirniyê û El-Mensûra cenazeyê Mamûn ji nexweşxaneya Niştîmanî ya Tebqayê wergirtin û bi kerwanekî wesayîtan berê xwe dan goristana şehîdan a Tebqayê.

Li goristanê karwanê cenaze ji aliyê dehan kesî ve hate pêşwazîkirin. Piştre ji bo bîranîna şehîdên têkoşîna azadiyê deqîqeyek rêz hate girtin û ji aliyê Hêzên Ewlehiya Hundirin ve merasîmeke leşkerî hate lidarxistin.

Piştre Cîgira Hevserokatiya Hêzên Ewleiya Hundirin a  Tebqayê Nesrîn Ûbeyd û Endama Komîteya Têkiliyên Giştî ya Rêveberiya Sivîla Demokratîk ya Herêma Tebqayê Asaya El Xerbî axivîn. Axaftvanan sersaxî ji malbata şehîd re xwestin û wiha gotin; “Roja serkeftina heqiyê li hemberî ne heqiyê mafiyê nêzîk dibe Hêzên me li hemberî çeteyên DAIŞ‘ê serkeftinên mezin bidest xistin û gelek herêmên Bakurê Sûriyê rizgar kirin.”

Piştre wesîqeya şeadetê hate xwendin û cenazeyê endamê Hêzên Ewlehiya Hundirin bi dirûşme û tilîliyên dayikan li goristanê hate veşartin.