Bi amadebûna welatiyên navçeya Dirbêsiyê ya Kantona Hesekê cenazeyê endamê Asayîşê Ebdulrehman Seyîd ê dema li navçeya Til Temir li ser erkê bû şehîd ket, ji navenda Meclîsa Malbatên Şehîdan wergirtin û bi karwanekê ber bi Goristana Şehîd Rustem Cûdî ve ketin rê.

Darbesta şehîd li goristanê bi dirûşman hate pêşwazîkirin û merasîm bi deqeyeke rêzgirtina leşkerî ve destpê kir.

Di merasîmê de li ser navê Meclîsa Mabatên Şehîdan Mihemed Xetîb, Endamê Rêveberiya Asayîşê Usama Temir û Endamê Meclîsa Navçeya Dirbêsiyê Ebdulah Şêxaka axivîn. Di axaftinan de bal hate kişandin ser erkê şervanan û berxwedana wan. Dîsa soza şopandina rêya şehîdan hate nûkirin.

Piştî axaftinan û şûnde nasnameya şehîd hate xwendin û radestî malbatê hate kirin.

Di dawiya merasîmê de jî cenazeyê şehîd bi dirûşma ‘Şehîd Namirin’ hate veşartin.