Ji bo merasîma cenazeyê şehîd Mistefa Remo (Gîvara Kaniya Kurdan) ê ku di 5’ê Çileya 2018’an de li bajarê Tebqayê şehîd bibû, bi sedan welatiyên bajarê Kobanê li Goristana Şehîd Dicle kom bûn.

Piştî ku cenazeyê şehîd Gîvara Kaniya Kurdan gihîşt Goristana Şehîd Dicle, darbesta şehîd hildan ser milan û ber bi qada goristanê ve meşiyan. Li goristanê merasîm bi deqeyek rêzgirtina leşkerî ve destpê kir.

Di merasîmê de hevserokê Desteya Parastinê ya kantona Kobanê Esmet Şêx Hesen û Endama Rêveberiya Kongreya Star a Kantona Kobanê Felek Yusif axivîn. Di axaftinan de sersaxî ji malbata şehîd re hate xwestin û bal kişand ser têkoşîna şehîdan a di rizgarkirina xaka welat de. Her wiha hate gotin ku wê şopdarê rêya şehîdan bin.

Di dawiya merasîmê de nasnameya şehîd hate xwendin û radestî malbatê hate kirin.

Cenazeyê şehîd bi dirûşma ‘Şehîd Namirin’ û tilîliyên dayikan ve spartina axê.