Cenazeyê endamê Hêzên Ewlekariya Hundirîn Feysel El Hecî Mihemed hat veşartin. Bi sedan Minbicî, endamên saziyên leşkerî, sivîl, jin û nûnerên ji partiyên siyasî tev li merasîma cenaze bûn.

Li goristanê li ser navê Hêzên Ewlekariya Hundirîn ya Minbicê efser Elî Hesen axivî û got: “Mirov bi tu gotinê nikarê têkoşîn û berxwedana şehîd bi wesif bike, ji bo şehîdan canê xwe kir şevçira ku rêya gelan ronî bike da ku bigihîjin azadiya xwe. Em soz û sonda xwe ji bo Şehîd Feysel û hemû şehîdan dubare dikin û bi serbilindî dibêjin ku hêz û israra me, bi we zêde dibe. Em ê bidin ser rêya wan. Hûn şevçiraya me ne û em hemû projeyên şehadetê ne."

Li aliyekî din jî, Hevseroka Meclîsa Qanûnsaz Sîham Hemo li ser navê Rêveberiya Sivîl a Demokratîk a Minbicê wiha got: "Em sersaxiyê ji Hêzên Ewlehiya Navxweyî, malbatên şehîdan û dayikên wan re dixwazin. Şehîdên me di ber ewlehî û îstîqrara welêt de canê xwe dan. Em soz didin wan ku em ê têkoşîna li dijî dijmin gur bikin.’’

Piştre endamê Meclîsa Malbatên Şehîdan a Minbicê Mehmûd Ebû Îdo wesîqeya şehîd xwend û radestê malbatê kir.

Endamê Hêzên Ewlehiya Navxweyî Feysel El Hecî Mihemed 8′ê Mijdarê li Minbicê şehîd bû.