Têkildarî mijarê, Fermandariya Giştî ya Hêzên Cebhet El-Ekrad daxuyaniyek da û nasnameya şervanekî xwe eşkere kir.

Di daxuyaniyê de hate gotin: "Hevrê Ehmed Mistefa Dawûd ku endamekî hêzên me yê Lîwa Şoreşgerên Idlibê ya girêdayî Cebhet El-Ekrad li bajarokê Erîma gihaşt asta şehadetê. Dema şervanê me li ser erka xwe ya parastina xak û welatê xwe bû, di 6’ê Tîrmehê şehîd bû.

Navê tevgerî: Ebû Fewaz
Nav û paşnav: Ehmed Dawûd
Navê bav: Mistefa
Navê dayikê: Wetif
Cih û dîroja jidayikbûnê: Idlib, 1999
Cih û dîroka tevlêbûnê: Erîma, 2019
Cih û dîroka şehadetê: Erîma, 06.07.2022

Em Hêzên Cebhet El-Ekrad û Lîwa Şoreşgerên Idlibê sersaxiyê ji malbata şehîd re dixwazin û bejna xwe li hember fedakariyên şehîdên me ku canê xwe di oxira parastina welat û gelê xwe de daye, ditewînin.

Em ê heta ewlehî û aştî li tevahî herêmên Bakur û Rojhilatê Sûriyê pêk were, li ser rêça şehîdan bin."