Bi sedan şêniyên Kobanê vê sibehê berê xwe dan Bendava Tişrînê ku tevlî çalakiyên parastina bendavê li dijî êrişên dewleta Tirk a dagirker û çeteyên wê bibin.

Beriya çend kêliyan konvoya gel gihîşt bendavê û ji hêla berxwedêrên li wir ve bi moraleke mezin hat pêşwazîkirin. Ji kantona Firatê ev konvoya 6‛an e ku berê xwe dide Bendava Tişrînê.

Ji 8’ê Çileyê ve, ji bo parastina bendavê, pira Qereqozaqê û tevahî herêmê ji êrişên dagirkeran, gelê Herêma Bakur û Rojhilatê Sûriyeyê kom bi kom berê xwe dide Bendava Tişrînê.