Çeteyên DIAŞ’ê yên ku di çarçoveya Pêngava Bagera Cizîrê de her ku diçe windahiyan dide, ji bo ku têkçûna xwe paş bixe êrîşên gund û herêmên hatine rizgarkirin dikin. Lê belê ji destê şervanên QSD’ê derbên giran dixwin. Çeteyên DAIŞ’ê îro piştî nîvor êrîş birin ser gundê Şel ê ku duh hatibû rizgarkirin. Li gund di navbera şervanên QSD’ê û çeteyên DAIŞ’ê de şerê giran qewimî, êrîşa çeteyan hate şikandin. Di encama şer de 9 çete hatin kuştin, 3 wesayîtên bombebarkirî hatin rûxandin û rêjeyek çek û cibilxanejî ketin destê şervanan.

Li aliyê din çeteyên DAIŞ’ê êrîş birin ser nuqteyên QSD’ê ya Kargeha Tenek a beriya du rojan ji aliyê QSD’ê ve hatibû rizgarkirin. Li vir jî şer qewimî, di şer de  5 çete hatin kuştin, wesayîtek hate rûxandin û wesayîtek jî kete destê şervanan.