Li taxa Mahmûdiye ya dikeve bakurêrojava yê Efrînê şer bi dijwarî di navbera şervanên YPG/YPJ’ê û artêşa Tir û çeteyê wê de didome.

Bajarê ku bi deh hezaran welatiyên sivîl lê dijîn di van kêliyan de tê bombe kirin.

Li gel bomberdûmana balafirên şer bajar bi top û hewanan jî tê topbarankirin.

Berxwedana Serdemê ya şervanên YPG/YPJ’ê ya li dijî êrîşên dagirkirinê yên dewleta Tirk a li ser Efrînê jî dom dike.

Di êrîşên qirker û talankirinê yên dewleta Tirk ku bi rojan e li navenda bajêr dom dike de, jin û zarok jî di nav de bi dehan welatiyên sivîl hatin qetilkirin, dehan jî birînar bûne.

BERPIRSYAREKÎ HERÎ PAYEBILIND Ê TIRK HATE KUŞTIN

Li aliyê din di êrîşên artêşa Tirk a dagirker ya li ser Efrînê de Serheng Mithat Dunca yê di asta herî jor de cih digire jî hate kuştin.

Dunca ê li Efrînê di nava Tevgera Taybet a Jendermeyan a artêşa Tirk a li Efrînê de xwedî payaya herî bilind bû.