Girseya gel ji pêş Meclisa Malbatên Şehîdan a Hesekê ber bi goristana şehîdan a Şedadê ya girêdayî kantona Hesekê ve bi rê ketin. Endamên saziyên leşkerî û sivîl ên navçeyê jî beşdarî merasima oxirkirinê bûn. Li goristanê merasîmeke leşkerî hate lidarxistin.

Piştre edama Meclisa Malbatên Şehîdan a Şedadê Zehre El Ehmed sersaxê ji malbata şehîd re xwest û wiha got: "Bi dewama têkoşîn û berxwedanê ji hêla şêniyên herêmê ve wê dagirker, çete û şaneyên veşartî bên têkbirin, em ê xaka xwe rizgar bikin, ewlehî û aramiyê li herêmê misoger bikin."

Zehre bang li gelê Bakur û Rojhilatê Sûriyê kir ku hevgirtî bin û li dora Hêzên Sûriya Demokratîk (QSD) kom bibin da ku terorê bi hemû şêweyên wê têk bibin û xakên dagirkirî rizgar bikin.

Ji fermandarên QSD′ê Kazim Hesekê li ser berxwedana şehîdan û rola wan di parastina destkeftiyên gelê herêmê de axivî û wiha got: "Em çiqas li ser lehengiya şehîdan biaxivin em nikarin heqê wan bidinê. Lê bi rêya parastina destkeftiyan em ê bi fedakariyên wan re wefedar bin."

Kazim Hesekê soza da gelê Bakur û Rojhilatê Sûriyê ku ew ê li ser şopa şehîdan bin, parastina xakê bikin, ewlehî û îstîqrarê li herêmê misoger bikin.

Di dawiyê de endama Meclisa Malbatên Şehîdan a Şedadê Ebîr El Nezal wesîqeya şehîd xwend û radestî malbatê kir û şehîd li goristana Şedadê spart axê.