Merasîma bibîranînê li Meclîsa Malbatên Şehîdan bi merasîmeke leşkerî dest pê kir.

Di merasîmê de Hevserokê Meclîsa Avaker a Federasyona Demokratîk a Bakurê Sûriyeyê Mensûr El-Selum axivî û sersaxî ji malbata şehîd Qehreman re xwest û wiha got; “Em weke gelê Bakurê Sûriyeyê divê bi hev re li beramberî hemû êrîşan bisekinîn. Em kesên ku piştgiriyê didin Erdoganê faşîst şermezar dikin û ji cîhanê de dibêjin serketin ya me ye.”

Xwişka şehîdê Hêzên Asayîşê Elîf Biço jî axivî û wiha got; “Eger em azadiyê dixwazin divê em ji bîr nekin ku dijminê me êrîşî me dike. Em soz didin ku heya dawiyê em ê li ber xwe bidin û em ê Efrînê bi tenê nehêlin.”

Piştî axaftinan nasnameya şehîd hate xwendin û radestî malbatê hate kirin.