Şêniyên Minbic cenazeyê endamê Hêzên Ewlekariya Hundirîn şehîd Ebûd Ehmed El Şihade bi meresimekê li goristana şehîdan spartin axê. Di meresimê de wêneyê şehîd hatin rakirin. Li goristana şehîdan a Minbicê endamê rêveber ê Hêzên Ewlekariya Hundirîn a Minbicê Raid Ehmed axivî û got:"Ruhê şehîdan wê timî di giyanê me de zindî be û em ê şopdarê rêya wan bin.“

Endamê Meclîsa Malbatên Şehîdan Mihemed El Şêx jî axivî û got ku em ê timî li ser şopa şehîdan a heqîqetê bimeşin.

Hevserokê Meclîsa Qanûnsaz a Minbicê Mihemed Elî El Ebû jî got: "Minbic tim bi ewlad û ruhê xwe yê civakî tê naskirin. Li ser vê yekê em soz didin şehîdan ku em ê şopdarên rêya wan bin û heta çareserkirina doza xwe û projeya xwe ya demokratîk, em ê li ber xwe bidin."

Endamê Meclîsa Malbatên Şehîdan Mehmûd El Îdo, nasnameya şehîd xwend û di dawiyê de cenazeyê şehîd hate veşartin.