Di şandeyê de Wezîrê Perwerdeya Neteweyî yê Fransayê yê berê Mîchel Blanquet, nivîskar û lêkolîner Patrice Franceschi û nûnerê Rêveberiya Xweser ê Fransayê Xalid Îsa cih digirin.

Şandeya Fransî ji aliyê berpirsên Desteya Têkiliyên Derve ya Rêveberiya Xweser a Bakur û Rojhilatê Sûriyê ve hat qebûlkirin. Di hevdîtinê de li ser bêdengiya navneteweyî û êrîşên dagirkerî û qirkirinê yên dewleta Tirk a dagirker li ser Rêveberiya Xweser rawestiyan.

Şandeya Fransî diyar kir ku ew ji aliyê Macron ve hatine wezîfedarkirin û bi nûnerên Rêveberiya Xweser re serdana Şehîdgeha Şehîd Delîl Saroxan kirin. Şande bi armanca xurtkirina hevgirtin û hevkariyê serdanên xwe yên li Bakur û Rojhilatê Sûriyê berdewam kirin.

Şandeyê diyar kir ku wan ev serdan ji bo naskirina saziyên Rêveberiya Xweser û xurtkirina têkiliyan kirine.