Çeteyên Tirk bombeyan li gundên Şehbayê dibarînin
Komên çete yên ser bi dewleta Tirk, bombe li gelek gundên li herêma Şehbayê barandin.
Komên çete yên ser bi dewleta Tirk, bombe li gelek gundên li herêma Şehbayê barandin.
Li gorî nûçeya ANHA'yê, çeteyên li bajarokê Marî û gundên Til Malid û Kilicibrîn bi cih bûne, êvara Şemiyê saet di 19:00 de dest bi bomberdûmanê kirin.
Çeteyan bombe li bajarokê Erfat û gundên li derdorê barandin. Hat ragihandin, çeteyan top avêtine vê herêmê û vê êrîşa çeteyan heta danê sibehê dewam kiriye.
Li gorî agahiyên gihîştin ber dest, çeteyên ji aliyê dewleta Tirk ve hatine perwerdekirin û tên xwedîkirin, piştî gundê Herbelê bombe li derdora gundê Şêx Îsa û bajarokê Erfadê barandine.
Ji ber topbaranê, zerareke mezin li gundên sivîlan bû.
Hat ragihandin, çeteyan bombe li gundên Hesiye, Hesacik û Til Medîq û gundikê Rafînê barandine. Ji ber êrîşê malên sivîlan xisar dîtin.