Çeteyên DAIŞ'ê, ku sivîlên li Reqayê ji xwe re dikin mertalên zindî, bi wesayiteke bombebarkirî êrîşî sivîlên ku şervanên QSD'ê ew ji herêma şer derdixistin, kirin. Di vê êrîşê de 2 şervan û 4 zarokan jiyana xwe ji dest dan.
Piştî ku şervanên Hêzên Sûriyeya Demokratîk (QSD) xetên parastinê yên DAIŞ'ê yên lit axa Nezlit Şehadê şikandin û gelek herêm rizgar kirin, gelê sivîl ê li vê derê berê xwe da qadên rizgarkirî.
Tîma taybet a QSD'ê, ku ji 12 şervanan pêk dihat, çûn pêşwaziya sivîlan, ku wan ji herêmên şer derxînin û bibin cihên ewle.
Lê belê, çeteyên DAIŞ'ê ku her carê sivîlan dikin hedef, li vê derê jî bi wesayiteke bombebarkirî êrîşî sivîlan û şervanên QSD'ê kirin. Çeteyan her wiha gelek mayin teqandin.
Di encamê de, 2 şervanên ku zarok hilgirtibûn şehîd bûn û 4 zarokan jiyana xwe ji dest dan. Her wiha 8 şervan û 7 sivîl birîndar bûn, ku rewşa hin ji wan giran e.
Li taxa Nezlit Şehadê, ku li başûrê Reqayê ye şer hê giran e. Şervanên QSD'ê bi rîsk û dayina berdêlên giran hewl didin sisvîlan ji herêmê derxînin.
