Çalakiya konvedanê ya bi armanca ku PDK cenazeyên gerîlayên li Xelîfanê şehîd kirî bide li Sêmalka hatibû destpêkirin di roja xwe ya 31’an de didome. Mamoste û Dayikên Aştiyê yên Kantona Qamişlo serdana çalakiyê kirin.
Mamoste û Dayikên Aştiyê yên Kantona Qamişlo îro çûn serdana çalakiya konvedanê ya li Sêmalka.
Dayikên Aşîtiyê û mamosteyên Qamişlo heya bi cihê konê meşiyan û li cihê çalakiyê daxuyaniyek dan.
Endamê Rêveberiya Komîteya Dibistanan a Girkê Legê Ebdulezîz Mîrza daxuyani xwend û tê de wiha hate gotin, “Di demekê de ku dewleta Tirk hewl dide bi rêya guhartina demografiya axa Kurdistanê û bikaranîna çekên kîmawî, gelê Kurd tune bike, Partiya Demokrat a Kurdistanê (PDK) piştgiriyê dide dewleta Tirk ya ku gerîlayan û Tevgera Azadiya Kurdistanê dike hedef.”
Di daxuyaniyê de hat destnîşankirin ku di qonaxa Kurdistan tê re derbas dibe de, tê xwestin ku partiyên Kurd bibin yek û li dijî plan û komployên li dijî Kurdan helwesta xwe zelal bikin.
Her wiha bang li PDK'ê hat kirin ku cenazeyên şehîdan radestî malbatên wan bikin û daxwazên çalakgeran bi cih bînin.
