Gelê Girê Spî cenazeyê sê şervanên QSD’ê Raîd Ehmed (Ebû Biric), Ehmed El-Ebîd (Merûf) û Elî Ebdellah (Elî) ji nexweşxaneya leşkerî rakir û BİR Goristana Mehmûd Teme ya Lİ gundê Tenhûzê.

Hevserokên Rêveberiya Xweser Zelîxa Ebdî û Hemdan El Ebîd, Endamê Rêveberiya PYD'ê Xalid Kotî û Endamê Meclîsa Rêveberiya Girê Spî yê TEV-DEM’ê Selahattîn Firat jî tevlî merasîmê bûn.

Li ser navê Meclîsa Malbatên Şehîdan Wehîd Ebdûllah li vir axivî. Ebdûllah sersaxî da malbatan û got, şehîd ji bo rûmeta mirovahiyê canê xwe feda kirine.

Piştî axaftina Hemdan El Ebîd û Endama Kongreya Star Mûna Eswed, Meclîsa Malbatên Şehîdan belgeya şehîdan a şehîdbûnê da malbatan.

Piştre, cenazeyên 3 şervanan bi dirûşmên, 'şehîd namirin' hatin veşartin.