Şaxa ÇHD'e ya Îzmirê'ê diyar kir ku kesên dema girtina parlamenter û hevkerokên HDP'ê şermezar kirin hatin binçavkirin li Qereqola Kantarê ya xerabe dimînin. Parêzeran anîn ziman ku bi vî rengî li muwekilê wan êşkence tê kirin.
Şaxa Komeleya Hiqûqnasên Hemdem (ÇHD) ya Îzmirê, têkildarî kesên li Kolana Şehîdên Kibrisê ya Alsancakê dema binçavkirin û girtina parlamenter û heverokên HDP'ê şermezar dikirin hatin binçavkirin daxuyaniya nivîskî da. ÇHD'ê diyar kir ku ji 57 kesên hatin binçavkirin jê 7 kes li Qereqola Kantarê ya xerabe dimînin û wiha got: "Muwekilên me di qereqola xerabe de dimînin. Muwekilên me ji ber bêhna boya, tîner û bêhna giran 2 roj in bi nexweşiya ser êşê ketine. Hatine asta jahrînî bikibin. Muwekilên me ji bo sewq bibin serlêdan kirine. Lê ev serlêdana wan bê encam maye. Binçavkirina wan a bi vî rengî li wan bûye êşkence. Dozgerê nobedar ev serlêdana wan red kiriye û li dijî hiqûqê tev geriya ye. Dozger û polîs bi hevkariya hev îşkenceyê li muwekilê me dike. Em dixwazin hemû çapemenî û raya giştî li hemberî vê yekê hestiyar tev bigere."
