Ji bo gerîlayê HPG’ê Hakan Tezel (Masîro) konê sersaxiyê hate vedan û konê şînê bi girseyî tê ziyaretkirin. Meclîsa Jinan a BDP’ê, Însiyatîfa Dayikên Aşîtiyê, xebatkarên şaredariyê û bi sedan kes çûn serdana konê şînê.

Gerîlayê HPG’ê Hakan Tezel (Masîro) yê ku di operasyona nokteyî ya di 31 Kanûna 2012’an de li navçeya Licê ya Amedê bi 9 hevalên xwe re jiyana xwe ji dest dabû, piştî duh li Êlihê hate definkirin serdanê sersaxiyê tên qebulkirin.

Ji bo gerîlayê HPG’ê Hakan Tezel (Masîro) konê sersaxiyê li ber derê malbatê yê li pişt mala Mamosteyan a taxa Bahçelîevlerê hate vedan. Konê ser sarsaxiyê bi girseyî tê ziyaretkirin. Alîkara Şaredarê Êlihê Gulîstan Ake, Meclîsa Jinan a BDP’ê, Însiyatîfa Dayikên Aşîtiyê, xebatkarên şaredariyê û gelek kesên din konê şînê ziyaret kirin. Girse bi meşiyan û slogana “Şehît namirin” çûn be kon.

Li konê şînê posterên Rêberê Gelê Kurd Abdullah Ocalan, HPG’î Tezel û 9 hevalî wî û alên KCK û PKK hatin daliqandin. Girse ji aliyê malbat û rêveberê MEYA-DER’ê ve hatin pêşwazîkirin. Di serdanê de dua hatin xwendin. Di merasîmê de demên hestiyar hatin jiyîn.

Di merasîmê de xwişka Tezel, Sultan Tezel, axaftinek kurt kir û wiha got: "Hakan tenê şehîdê me nîn e şehîdê hemû Kurdistanê ye. Hakan 17 salî bû. Lê rihê wî mezîn bû. Evîndarê çiyayê Kurdîstanê bû. Bila serê Kurdîstan, Serokatî û gerîlla sax be.”