Li Kozanê wesayîta karker têde qulipî. Di qezayê de 3 jê giran 12 karker birîndar bûn.

Li navçeya Kozan a Edeneyê mînîbusa serwîsê ya karker têde qulipî, 3 jê giran 12 karker birîndar bûn.

Mînîbusa karkerên înşaeta bendava HES’ê, li zozana Horzum ser rêya Feke ya navçeya Kozanê li dîwar qelipî.

Ji karkerên di wesayîtê de Erdal Nîşanci, Abdurrahman Karaca, Nafî Okten, Omer Fevzî Karakişla, Ferhat Kahraman, Adnan Kekîllîoglu, Naîf Kahraman, Tuncay Kahraman, Faruk Kahraman, Enver Ertugrul, Abdulvahap Karaca û ajokar birîndar bûn.

Birîndar bi ambulansan rakirin Nexweşxaneya Dewletê ya Kozan. Abdurrahman Karaca, Abdulvahap Karaca û Omer Fevzî Karakişla yên rewşa wan giran jî rakirin nexweşxaneyên li Edeneyê.