Tora Mafê Mirovan a Kurdistanê di nûçeyek xwe de ragihand, roja 8’ê Hezîranê çend car endamên malbata girtiya siyasî ya Kurd Werîşe Muradî li Sine û Tehranê ji aliyê berpirsên Îtlaetê ve hatine bang kirin û gefa girtinê li wan hatiye xwarin.

Di nûçeyê de hatiye diyarkirin ku hevjînê xwişka Werîşe Muradî, Kerîm Esxerî ku xelkê bajarokê Şiwêş a ser bi Sine ye, ji aliyê hêzên ser bi Îtlaetê ve hatiye binçavkirin û ber bi cihek nediyar ve birine.

Hat gotin ku Kerîm Esxerî bêy biryara dadwer, dibin êşkenceyê de hatiye binçavkirin û gef li hevjîna wê Mêhrane Muradî kirine.

Di 17’ê Hezîrana 2024’an de, Werîşe Muradî ji aliyê Şaxa 15’emîn a Dadgeha Şoreşê ya Tehranê ve, bi biryara Dadwer Ebulqasim Selewatî ve bi tometa “endama rêxistinê” hat tometbarkirin û di 10’ê Mijdara 2024’an de cezayê darvekirinê lê hate birîn.