Hevdîtinên Cenevreyê ya ji bo li Sûriyeyê çareseriya siyasî pêk bîne ji aliyê NY tê lidarxistin, tûra wê ya 7’emîn li ofîsa Cenevreyê ya NY hate destpêkirin.

Nûnerê Taybet ê Sûriyeyê yê Neteweyên Yekbûyî Staffan de Mîstûra û koma xwe ligel Nûnerê Sûriyeyê yê NY Beşşar Caferî û heyeta rejîmê di destê sibehê de civiyan.

Hevdîtina bi heyeta rejîmê re didome û tê payîn ku Nûnerê Taybet ê Sûriyeyê yê Neteweyên Yekbûyî Mîstûra bîsteke din bi heyeta ‘mûxalef’ê re jî bicive.

Di hevdîtinan de tê plankirin ku mijarên rêveberiya derbasbûnê, destûra bingehîn a nû, hilbijartin û têkoşîna li dijî terorê werin nîqaşkirin.

Li Cenevreyê heta niha Kurd ên ku li herêmê hêza herî mezin a siyasî û leşkerî ne, nehatine vexwendin û di 6 hevdîtinên heta niha de jî tu encam nehatine bidestxistin.

Di hevdîtinan de hêzên ku li qadê tu hebûna wan tune û li ser navê muxalefetê tên vexwendin û ji dêvila ku çareseriyeke siyasî ji şerê li Sûriyeyê bibînin her dem berjewendiyên hêzên herêmî yên ku dixwazin li Sûriyeyê bibin xwedî peyv, derkete pêş.

Tê payîn ku hevdîtinên Cenevre-7’ê di 15’ê Tîrmehê de bi dawî bibe.