Li Swedê Suryaniyan bi rêveberên dêrê re hevdîtinan dikin, mal mal digerin û ji bo beşdarbûna  girseya herî mezin a Asûrî-Suryanî ji bo hilbijartina 16-17’ê Hezîranê ya  li Stockholmê kar dikin. Di Tv Suryoyo de ji bo beşdarbûna gelê Suryani-Keldanî ya ji bo hilbijartinê û dengê xwe bidin HDP û Demîrtaş bang tên kirin.

Partiya Azadiyê ya Mezopotamyayê jî têkildarî hilbijartinan bi devkî û nivîskî Suryaniyan agadar dikin û ji bo çuyina ser sindoqan jî amadekairyan dikin.

Namzetê HDP’ê yê Mêrdinê yê rêza 3’an Tûma Çelîk jî li Elmanyayê serdana gel dike. Çelîk li Bremenê serdana Dêra Ortadoks kir û bi Berpirsa Karê Derve Mor Severyos Hanna Aydin re hevdîtinek pêk anî. Piştre  ji bo nasandina HDP’ê li dêrê beşdarî civîna gel bû.

Çelîk piştre serdana berpirsên Dêra Bremenê kir û ji bo HDP’ê daxwaza piştgirîdayinê kir.

Çelîk diyar kir ku hilbijartinên 24’ê Hezîranê ji bo pêşeroja Tirkiyeyê û Suryaniyan gelek girîng e û bang li gelên Asurî-Suryanî-Keldanî kir ku dengê xwe bidin HDP’ê.