ROJEVA 20'Ê ADARA 2018'AN
Rojeva Navenda Nûçeyan a 20'ê Adara 2018'an.
Rojeva Navenda Nûçeyan a 20'ê Adara 2018'an.
- Endamê Komîteya Rêveber a PKK'ê Duran Kalkan diyar kir, yên ji bo dagirkirina Efrînê kêfxweş in wê Enqereyê ji dest bidin. Kalkan got, wê şoreşa Bakur dest pê bike.
- Efrîniyên ku ji ber êrîşên qirkirin û dagirkeriyê yên dewleta Tirk koçî herêma Şehbayê kirin û hewl didin di nava şert û mercên giran de li erdê mayinkirî jiyaneke nû ava bikin, sonda tolhildanê dixwin.
- Gerîlayên YJA Starê ragihandin ku wê bi coşa agirê Newrozê berxwedana Efrînê geş bikin.
- Nobeda li ber avahiya Konseya Ewropayê ku ji bo azadiya Rêberê Gelê Kurd Abdullah Ocalan tê girtin di hefteya 300'î de ye.
- Şêniyên Binarê Qendîlê hebûna leşkerên Tirk li Başûrê Kurdistanê şermezar kirin û gotin, dagirkeriya dewleta Tirk a li Başûr ne ya qebûlkirinê ye.
- Pêşniyarên hikumeta Fransayê yên ji bo statuya nû ya Korsikayê, ji aliyê nûnerên Korsikayê ve 'têrker' nehate dîtin.
- Parlamenterê Elman Diether Dehm, bi hinceta ku di Newroza Hannoverê de wêneyê Rêberê Gelê Kurd Abdullah Ocalan vekir, kete ber lêpirsînê.
- Kongreya Neteweyî ya Kurdistanê (KNK) bi wesîleya Newrozê peyamek weşand û destnîşan kir ku di vê Newrozê de wezîfeya herî mezin a 'derxistina dijmin ji Efrînê' ye.
- Wezareta Parastinê ya DYA ragihand ku bûyerên bi dagirkirina Efrînê re rû dan wan dixin nava fikaran û li dijî gefên ku li Minbicê tên xwarin jî ev hişyarî da: "Hemû alî dizanin ku leşkerên DYA li wir in û ji bo rûnedana şer em ê hemû tedbîran bigirin."
- Bajar êdî bi rengekî din ava dibin. Norwêc dixwaze di demeke nêz de bajarê herî mayinde yê cîhanê ava bike.