Dîrektorê Ewropayê yê Rêxistina Efûyê ya Navneteweyî John Dalhûîsen têkildarî parêzvanên mafên mirovan ên ku bi talîmata AKP’ê hatine girtin, îro daxuyaniyeke nivîskî weşand.

Dalhûîsen got: “Bi vê gava xedar a ku parêzvanên mafên mirovan tên girtin Tirkiye bûye welatekî ku dûrî dewleta hiqûqê ye.”

Dalhûîsen diyar kir ku parêzvana mafên mirovan Nalan Erkem duh li Stenbolê û Îlknûr Ustun jî li Enqereyê hatine binçavkirin û got: “Ji dêvila ku vê lêpirsîna bêbingeh bi dawî bikin, rayedarên Tirkiyeyê asta beloqiyê bilindtir dikin. Wê ev 4 parêzvanên mafên mirovan, fenanî 6 parêzvanên din, sewqî girtîgehê bikin.”

YÊN KU TÊKILDARÎ WAN BIRYARA GIRTINÊ HATIYE DAYÎN

Parêzvanên mafên mirovan ên ku têkildarî wan biryara girtinê hatiye dayîn ev in: Îlknûr Ustun (Koalîsyona Jinan), Şeyhmûs Ozbeklî (Înîsîyatîfa Hakê), Nejat Taştan (Komeleya Çavdêriyê ya ji bo Mafên Wekhev) û Nalan Erkem (Komeleya Hemwelatiyan).