Heyetek ji Rêxistinên Civakî yên Sivîl (RCS) yên Amedê der barê kuştina Muzaffer Gurul ku bi îdîaya guh nedaye hişyariya ‘raweste’ ji aliyê leşkerên Qereqola Jendermeyan a Licê-Abali  hate qetilkirin, li cihê bûyerê wê lêkolînê bike.

Muzaffer Gurul ê 23 salî bi îdîaya ku guh nedaye hişyariya ‘raweste’ ji aliyê leşkerên Qerekola Cendermeyan a Licê-Abali, wesayîta wî hat gulebarankirin, bi giranî birîndar bû û paşê jiyana xwe ji dest da. Heyetek ji Amedê ji bo lêkolînê diçe cihê bûyerê. Heyeta ku ji nûnerên Baroya Amedê, Şaxa ÎHD’ê ya Amedê, Weqfa Mafê Mirovan a Tirkiyeyê û Komeleya Hiqûqnasên Mezopotamyayê pêk tê, wê biçin ber Qereqola Jendermeyan a Abali û lêkolînê bikin. Tê payîn ku piştî lêkolînê daxuyaniyek bê dayîn.