Rayedarekî payebilind ê Îranî ji Reutersê re axivî û got, "Îran ji ber rageşiya li herêmê zêde bûye wê dest ji mafê xwe yê dewlemendkirina ûranyûmê bernede."

Rayedarê payebilind anî ziman ku welatekî 'dost' ê li herêmê di mijara êrîşeşke leşkerî de hişyarî da Tehranê.

Rayedar diyar kir ku ji bo Tehran helwesta xwe ya têkildarî mafên xwe yên nukleerê biguherîne rageşî tê mezinkirin û got, tê plankirin ku roja Yekşemê li Ûmmanê bi DYE'yê re hevdîtinên nû bêne kirin.

NBC NEWS: ÎSRAÎL PLANA OPERASYONEKE LEŞKERÎ DIKE

Bi nêzîkbûna tûra danûstandinan a navbera Îran û DYE'yê re, di medya Emerîkayê de nûçeyên welê hatin weşandin ku bal kişandin ser encamên leşkerî yên serneketina van hevdîtinan.

NBC Newsê roja Pêncşemê ûçeyek weşand, bal kişand ser çavkaniyên nêzî mijarê û îdîa kir ku Îsraîl bêyî piştgiriya DYE'yê plan dike ku li hemberî Îranê operasyoneke leşkerî bike.

Çavkaniyan gotin, "Xwedî agahiyeke welê nînin ku DYE beşdarî operasyoneke bi vî rengî ya gengaz bibe."

CBS NEWS: ÎSRAÎL AMADE YE

CNS Newsê beriya niha bi gelek çavkaniyan piştrast kiribû ku rayedarên DYE'yî di wê baweriyê de ne ku Îsraîl 'bi temamî amade ye' ku li hemberî Îranê dest bi opreasyoneke leşkerî bike, lê belê rayedarên Îsraîlî û berdevkê Qesra Spî di vê mijarê de daxuyaniyeke fermî nedan.