Endamên Tevgera Ciwanên Welatparêz û Şoreşger (YDG-H) û Yekîneya Jinên Ciwan ên Welatparêz û Şoreşger (YDG-K) li Wanê boneya şermezarkirina bûyera tecawizê ku li Çewlikê zaroka 16 salî a bi navê E.A rastî tecawiza leşkerên tirk hatibû meşek li dar xist. Li ser mudaxaleya polîsan di navbera ciwan û polîsan de pevçûnên tund rû dan.

Li Taxa Xaçorta Wanê Endamên Tevgera Ciwanên Welatparêz û Şoreşger (YDG-H) û Yekîneya Jinên Ciwan ên Welatparêz û Şoreşger (YDG-K) bi armanca şermezarkirina bûyera tecawizê ku li Çewlikê zaroka 16 salî a bi navê E.A rastî tecawiza leşkerên tirk hatibû meşek li dar xist. Di dema meşê de ciwana li ser dîwaran nivîsên wekî ‘YDG-H’, ‘YDG-K’, ‘PKK’, ‘KCK’, ‘Neçe leşkeriyê nebe celadê gelê xwe’ ‘Dewleta tecawizkar, ji Kurdistanê bicehnime’ ‘Bijî Serok Apo’ û ‘YDG-H wê dawî li tecawuz û tiryakê bîne’ hatin nivîsîn. Her wiha ciwanan sloganên wekî ‘Bijî Serok Apo’ û ‘Xaçort serhildane, ji Îmraliyê re silave’ hatin berzkirin

Di navbera polîs û ciwanên ku rûyê xwe pêçane de ji ber mudaxaleya polîsan pevçûn derket. Polîsan bi bombeyên gazê û ava şid mudaxale li ciwanan kir. Ciwanan jî bi kevir, bomya deng û berxoskan (sapan) bersiv da polîsan. Ciwanan di çalakiyê de diyar kirin ku ew dê hesaba vê bûyera tecawizê ji dewletê bipirsin.