Li Edeneyê polîsan êrîşî bir ser ciwanên ku Qetlîama Licê protesto dikirin. Tê ragihandin ku piştî êrîşê di navbera ciwan û polîsan de pevçûn berdewam dike.

Ciwanên ku li ser Caddeya Şakirpaşa ya Seyhan a Edeneyê hatin gel hevdu, bi armanca êrîşa leşkerên Tirk a li hemberî girseya ku çêkirina qereqolan protesto dikirin û di encam de ciwanê 18 salî Medenî Yildirim hat qetilkirin û 8 kesan jiyana xwe ji dest da şermezar bikin li ser Caddeya Şakirpaşa lastîk şewitandin, cadde li trafîkê girtin, bi kevir û konteynerên çopan bend çêkirin.

Ciwanan dirûşmayên ku dilsoziya bi Rêberê Gelê Kurd û PKK’ê re dianîn ziman qîr kirin. Polîsên ku hatin cihê bûyerê, bi bombeyên gazê, gulleyên plastîk û ava şid mudaxele kirin. Ciwanan jî bi bombeyên deng, fîşekên hewayî û molotofkokteylan bersiv dan. Ciwan ku paşê ji Caddeya Şakirpaşa ber bi Caddeya Ova çûn rê li çûnûhatinê girtin û bend danîn. Tê gotin ku pevçûn berdewam dikin.