Li taxên Berçelan, Bîçer û Bûlak ên Colemêrgê, tevî malên Hevseroka HDP'ê ya Bajarê Colemêrgê Zeynep Besî Dara û hevseroka DBP'ê ya Colemêrgê Bêrîvan Akboga jî di nav de polîsan û tîmên taybet avêtin ser gelek malan. Di serdegirtinan de polîsan deriyên malan şikandin û eşyayên di hundir de ji hev belav kirin. Ji ber ku Dara û Akboga ne li malê bûn nehatin binçavkirin, lê 3 kesên navên wan nehat hînbûn hatin binçavkirin. Binçavkirî piştî kontrola tenduristiyê ya li nexweşxaneyê birin Midûriyeta Emniyetê ya Colemêrgê.