Ji ber salvegera komploya navnetewî ya 15'ê Sibatê ku Rêberê Gelê Kurd Abdullah Ocalan radestê Tirkiyeyê hatibû kirin, çalakiyên protestoyî tên li dar xistin. Li navçeya Kayapinar a Amedê gel daket kolanan û daxwaza azadiya Ocalan anî ziman.

Lê belê meşa bi meşale ji aliyê polîsan ve hate asteng kirin. Li ser vê yekê li ber avahiya Mala Gel kom bû û helwesta polîsan şermezar kir. Li kolana Koşuyoluyê jî polîsan bi bombeyên gazê êrîşê ciwanan kir û gelek wesayitên polîsan hatin cihê bûyerê.

Di nava ciwanan û polîsan de pevçûn derket û li gorî agahiyên destpêkê 3 kes hatin binçav kirin. Li Kaynartepeyê jî ji ber bombeyên gazê hinek rûniştvanên taxê nexweş ketin.