Wezareta Karên Derve ya Tirk bi daxuyaniyeke nivîskî ragihand ku leşkerên sewqî herêma Başîka ya Mûsilê hatine kirin, ew ê bên vekişandin.

Di daxuyaniyê de 'Krîza Mûsilê' ya bi Bexdayê re rû da, weke 'pirsgirêka ragihandinê' hat nirxandin û hat gotin li dijî DAIŞ'ê ew amade ne 'bi hev re' bixebitin.

Serokkomarê Tirk Tayyîp Erdogan, di serdana 11'ê Kanûnê ya li Bosna Herkesê de, li ser hebûna leşkerên Tirk a li Mûsilê gotibû, "Li ser daxwazê em çûn, em venakişin."

Lê belê piştî axaftina bi rêya telefonê ya navbera Erdogan û Serokê DYA Obama de, Tirkiye neçar ma ji ya xwe vegere. Çend roj piştî gotina 'em venakişin' a Erdogan, Wezareta Karên Derve ya Tirkiykeyê diyar kir ku leşker wê ji kampa Başîka werin vekişandin.

Beşek ji leşkerên sewqî Başîka hatibûn kirin, di 14-15'ê Kanûnê de vekişiyabûn hin baregehên xwe yên li Başûrê Kurdistanê.

Ji ber ku PDK'ê destek dabû plana Tirkiyeyê ya li ser Mûsilê, gelê Başûrê Kurdistanê nerazîbûn nîşanî PDK'ê dabû.