Di doza Gungoren de parêzerên di kontrola polîsan de rastî êrîşa malbatan hatin der barê polîs û êrîşkaran de gilî kirin.

Parêzer Gulîzar Tuncer, Bahrî Belen, Ercan Kanar û Huseyîn Bogatekîn ên duh di rûniştina Doza Gungoren de di kontrola polîsan de rastî êrîşa malbatan hatin der barê Polîs û êrîşkaran de gilî kirin.

Di gilînameyê de hat destnîşankirin ku di doza ku li Dadgeha 12’emîn a Cezayê  Giran a  Stenbolê de pêk tê  berî niha jî parêzer rastî êrîşan hatine û ji bo astengkirina bûyerên wiha tu tedbîr nehatine girtin.

TENÊ 7 JINAN ÎFADE DAN

Parêzeran ligel gilîkirinê xwestin dîmenên bûyeran jî werin kontrol kirin û bên parastin. Dîmen hatine dest girtin.  Lê belê li şûna zilamên ku êrîş pêk anîne der barê 7 jinên ku ji destpêkê heta dawiyê bi heqaret, dujîn û tehdîtan bûyer tehrîk dikirin lêkolîn hat destpêkirin. Ji bo teşhîskirinê derengiya şevê bang li parêzeran hatiye kirin û piştî îfadegirtinê ew  jin hatine berdan.

Di vê navberê de Parêzer Bahrî Belen ê difna wî şkestibû ji bo tedawîkirinê rakiribûn Nexweşxaneya  Okmeydanê.