Parêzerên Rêberê Gelê Kurd Abdullah Ocalan Raziye Tûrgût, Serbay Koklu, Rezan Sarica û Îbrahîm Bîlmez ji bo karibin sibe muwekîlê xwe bibînin serî li Serdozgeriya Komarê ya Bûrsayê dan.

Ji parêzerên Ocalan Rezan Sarica û Nevroz Ûysal piştî 8 salan di 2 û 22'ê Gulanê, 12 û 18'ê Hezîranê û 7'ê Tebaxa 2019'an de karîbûn muwekîlê xwe bibînin.

Serdozgeriya Komarê ya Bûrsayê 23'ê Îlonê 'nexşeya rê' ya ku Rêberê Gelê Kurd sala 2009'an ji bo parêznameya xwe ya li Dadgeha Mafên Mirovan a Ewropayê amade kiribû, kir hincet û 6 mehan hevdîtina bi parêzeran re li Rêberê Gelê Kurd Abdullah Ocalan qedexe kiribû.