'Nobeda azadî ji Ocalan re' ku 25'ê Hezîrana 2012'an li ber avahiya Konseya Ewropayê ya li bajarê Strasbourg ê Fransayê dest pê kir bi tevlîbûnên nû dewam dike.

Komeke ji sê kesan a ji bajarê Kassel ê Elmanyayê nobeda vê hefteyê dewr girt.

Çalakgeran li ser nobedê axivîn û bla kişandin ser tecrîda giran a li ser Rêberê Gelê Kurd Abdullah Ocalan ku 3 sal in dewam dike.

Çalakgeran bang li Komîteya Pêşîgirtina li Êşkenceyê (CPT) xwest ku tavilê biçe girava Îmraliyê û li ser rewşa Ocalan agahiyê bide.

Li cihê ku nobed tê girtin, bi banga Kongreya Civaka Demokratîk a Kurdistaniyên li Ewropayê (KCDK-E) ji roja Duşemê ve nûnerên bi dehan saziyan tevlî greva birçîbûnê bûne. Her du çalakî bala welatî û tûrîstan dikişînin.