Nobeda 'Azadî ji Ocalan re' li bajarê Strasbourgê yê Fransayê li ber avahiya Konseya Ewropayê ji 25'ê Hezîrana 2012'an û vir ve bi rengekî bênavber ji bo azadiya Ocalan pêk tê.

Nobedarên vê hefteyê koma ji bajarê Hannover ê Elmanyayê ye.

D, nava komê de jinên Êzidî Edel Aslan û Xezal Yaltî û Koçer Adibellî û Mehmet Salih Bager hene.

Edel Aslan bi navê komê axivî û diyar kir ku esareta 20 salan a Ocalan bi ti awayî nayê qebûlkirin. Aslan bi bîr xist ku çalakiya nobedê ya li ber avahiya Konseya Ewropayê di sala 8'an de ye û diyar kir, heta ku çalakî bigihêje encamê wê bidomînin.

Aslan anî ziman, tecrîdkirina Ocalan bi berxwedana grevên birçîbûnê û berxwedana dayikan hate bidawîkirin, lê ji nû ve xistine meriyetê.

Aslan destnîşan kir ku heta Ocalan azad bibe wê gelê Kurd dest ji têkoşînê bernede û bang li Kurdên li Ewropayê hemûyan kir ku xwedî li çalakiya nobedê derkevin.

Çalakiya 'Nobeda azadî ji Ocalan re' hefteya derbasbûyî ji aliyê jinên Êzidî ve hatibû domkirin.