Destûra ji bo Newroza ku dihate plankirin li cihê bazarê yê li Taxa Boztepe ya navçeya Kocasînan a Qeyseriyê were pîrozkirin hatibû wergirtin, ji aliyê qeymeqamtiya navçeyê û miduriyeta polîsan a navçeyê ve bi hinceta “ewlehiyê” hate betalkirin.

Rêxistina Partiya Wekhevî û Demokrasiyê ya Gelan (DEM Partî) a Qeyseriyê têkildarî mijarê li ser hesaba xwe ya fermî ya platforma X’yê ev parvekirin kir: “Pîrozbahiya Newrozê ya ku di 17’ê adarê de li Qeyseriyê ku ji aliyê qeymeqamtiyê ve destûra wê hatibû dayîn, di 15’ê adarê de ji aliyê Miduriyeta Polîsan a Bajêr ve bi hinceta ewlehiyê hate betalkirin.”