NCDK'ê li gelek bajaran kongreyên xwe pêk anî
Li gelek bajarên Ewropayê, kongreyên Navenda Civaka Demokratîka Kurd (NCDK) pêk hatin. Di kongreyan de berxwedêrên greva birçîbûnê hatin silavkirin.
Li gelek bajarên Ewropayê, kongreyên Navenda Civaka Demokratîka Kurd (NCDK) pêk hatin. Di kongreyan de berxwedêrên greva birçîbûnê hatin silavkirin.
Kongreya 9. a NCDK'ê ya bajarê Darmstadt ê Elmanyayê diyarî Leyla Guven hate kirin. Di kongreyê de rêveberiya nû ya ji 36 kesan û ji bo hevserokatiyê jî Hatîce Peşmen Acar û Mehmet Çoban hatin hilbijartin.
NCDK a Frankfûrtê jî kongreya xwe ya 6'an pêk anî. Di kongreyê de şervanên QSD, YPG û YPJ'ê hatin silavkirin ku dawî li çeteyên DAÎŞ'ê anîne. Piştî hilbijartina meclîsa ji 42 kesan, Ahmet Haykir û Fatma Kaya bûn hevserok.
5. kongreya Meclîsa Gel a Dresdenê bi beşdariya 350 delegeyî pêk hat û Serpîl Biryar û Alî Ekber Bîlgîlî bûn hevserok.
Kurdistaniyên li bajarê Bensheimê ne, kongreya xwe ya 6'an pêk anîn û bal kişandin ser grevên birçîbûnê. Menderes Ûçar û Elîf Delîbalta bûn hevserokên meclîsa gel a demokratîk.
Li bajarê Mannheimê li ser banga NCDK'ê civîna gel hate lidarxistin û berxwedana grevên birçîbûnê hate nirxandin.
Komuna Jinan a Şehîd Meryem a li bajarê Hildesheimê kongreya xwe ya 3. pêk anî. Siyasetmedar Leyla Bîrlîk tevlî kongreyê bû û pêvajoya siyasî nirxand. Di dawiyê de 19 komîteyên rêxistinbûn, çand, têkiliyên derve, dayikên aştiyê, bawerî, kooperatîfa civakî, çapemenî, ciwan û berdevkan hatin hilbijartin.
NCDK a bajarê Wuppertlaê kongreya xwe ya 6'an pêk anî û Semra Temel û Harûn Demîrel bûn hevserokên meclîsê. Di dawiya kongreyê de Ronîz Erez û Raûf Keleş stranên xwe gotin.
Li bajarê Toulouse yê Fransayê, NCDK'ê kongreya xwe ya 2'an pêk anî. Di kongreyê de çalakiya grevên birçîbûnê hate nirxandin.
Li bajarê Creil ê paytexta Fransa Parîsê, NCDK'ê kongreya xwe ya 5'an pêk anî û Helîn Polat û Şahîn Karayil ji bo hevserokatiya wê hatin hilbijartin.
Platforma Kurdên Anatoliya Navîn şaxê Danîmarkayê, doh kongreya xwe ya salane pêk anî û rêveberiya xwe ya nû diyar kir.
Li paytexta Swêd Stockholmê, Meclîsa Jinên Kurd a Amara kongreya xwe ya 6'an pêk anî. Jinên Kurdistanî di kongreyê de Leyla Guven û berxwedêrên greva birçîbûnê silav kirin. Di dawiya kongreyê de rêveberiya nû ya ji 32 jinan hate hilbijartin.
Li bajarên Bern, Biel, Cenevre, Rapperswill û Zurichê yên Swîsreyê, Navendên Civaka Kurd û Meclîsên Jinan kongreyên xwe pêk anîn. Di kongreyan de Leyla Guven û berxwedêrên greva birçîbûnê hemû hatin silavkirin.