Buroya Çapemeniyê ya HDP’ê derbarê peywirdarkirina Meclîsê got, ‘’Partiya me û Koma me ya Meclîsê, di encama nîqaşan de ku di organên pêwendîdar de kiriye, biryar li ser wê daye ku Pervîn Buldan, Parlamentera Stenbolê bîne ser Serokwekîltiya Meclîsê, Parlamenterê Enqerê Sirri Sureyya Onder bîne ser Amîrtiya Îdareya Meclîsê û Parlamentera Stenbolê Filîz Kerestecîoglju û Parlamenterê Mûşê Ahmet Yildirm peywira xwe ya Serokwekîltiya Komê bidomînin. Her wiha biryareke hevpar derketiye holê ku namzeta me ya di hilbijartina Seroktiya TBMM’ê ( Meclîsa Tirkiyê )jî Parlamentera me ya Colemêrgê Selma Irmak be.’’