Meşa Dirêj wê 11'ê Sibatê roja Şemiyê saet di 09:00 de li Balafirgeha Arlandayê dest pê bike û 2 rojan dewam bike. Çalakger wê roja  Yekşemê xwe bigihînin navenda bajarê Stockholmê û ji bo rakirina tecrîda li ser Rêberê Gelê Kurd Abdullah Ocalan û azadiya Ocalan wê saet di 17:00 de mîtîngekê lidar bixin.

Navenda Civaka Demokratîk a Kurd li Swêdê û Yekîtiya Jinê ya Sara dan xuyakirin, ku tecrîda li ser Ocalan tê şidandin, dewleta Tirk li Bakur û Rojavayê Kurdistanê zexteke giran li gelê Kurd dike û bang li Kurdistanî û dostên wan kirin, ku roja Şemiyê saet di 09:00 de beşdarî xwepêşandana li ber Balafirgeha Arlandayê bibin.