Malbatên girtiyên li dijî tecrîdkirina Rêberê Gelê Kurd Abdullah Ocalan di greva birçîbûnê û rojiya mirinê de ne, careke din çûn ber Girtîgeha Bakirkoyê. Malbatên girtiyan tevî parêzer û gelek kesan li rawestgeha otobusê ya Çocûk Sîtesî li hev civiyan û xwestin ber bi girtîgehê ve biçin. Lê belê polîsan pêşî li wan girtin û diyar kirin ku wê destûrê nedin çalakiya rûniştinê. Malbat jî ji ber astengiya polîsan ber bi meydana Şîrînevlerê ve meşiyan.

Malbat ketin avahiya HDP'ê ya navçeya Bahçelîevlerê û diyar kirin, wê çalakiya xwe sibe bidomînin.